رحبووا بالعضو الجديد * احمد عبد الستار * + مقابلة +

السلام عليكم
رحبووا بالعضو الجديد اللي نور منتدانا
النجم احمد عبد الستار

ولمن لا يعرف هذا البلبل

انقل لكم هذه المقابلة
*
*
*
*
*
*
*
المنشد المتواضع احمد عبد الستار منشد فرقة البشائر العراقية
وتجري معه هذا اللقاء باللهجة العراقية ..وبصراحة تامة ..
خلي نشوف
رحبووا بالعضو الجديد * احمد عبد الستار * + مقابلة + Arboti13

رحبووا بالعضو الجديد * احمد عبد الستار * + مقابلة + Arboti13

صادق العبيدي:- الاسم الثلاثي واللقب؟

احمد عبد الستار :- احمد عبد الستار حردان العلواني

صادق العبيدي :- تاريخ الولادة

احمد عبد الستار :- 1975

صادق العبيدي :- محل الولادة

احمد عبد الستار :- العراق الأنبار الفلوجة

صادق العبيدي :- الحالة الاجتماعية

احمد عبد الستار :- متزوج وعندي بنتين رقية ورفل

صادق العبيدي :- الله يخليهم لك

احمد عبد الستار :- الله يسلمك ويعزك

صادق العبيدي :- كيف اكتشفت الموهبة الإنشادية ؟

احمد عبد الستار :- بعدها الناس أشوفها تستمتع وهي تسمعني في وقتها عرفت انه عندي شوية صوت بالممارسة صرت منشد والعياذ بالله هههههههه
صادق العبيدي :- متى بدأت الإنشاد ومن كان لك المعين في ذلك؟

احمد عبد الستار :- سنة 89 بوقتها أنا بالإعدادية صرت و𘜰گامت الناس تدعيني لحفلاتها وللمناقب النبوية واگعد والناس تگول شراح يقدم هذا الشاب بس جنت أحفظ كثيرا لأنه بوقتها كانوا المنشدين كبار العمر ويسمون المداحين

صادق العبيدي :- غالبا ما تكون الجوامع هي بداية كل منشد ما الجامع الذي شهد بدايتك؟

احمد عبد الستار :-الجامع كان ولا يزال جامع المدلل بالفلوجة وأول فرقة أسستها باسم الجامع

صادق العبيدي :- هل كان للفرقة نشاطات خارج مدينة الفلوجة

احمد عبد الستار :-كثيرا وخاصة إن كل الأعراس التي تكون حول و بأطراف الفلوجة كان لنا دور بها وهذا هو المقصود من تأسيس الفرقة وكذلك ذهبنا إلى بغداد كثيرا والبصرة والموصل وان كانت قليلة

صادق العبيدي :-ما شاء الله طاگين ههههه

صادق العبيدي :- هل يوجد من منشدي الفرقة الآن على الساحة؟

احمد عبد الستار :-لا يوجد احد منهم كنت الوحيد المنشد الرئيسي
والثلثين منهم استشهدوا في الحرب الأخيرة الله يتقبلهم .

صادق العبيدي :- الله يتقبلهم

احمد عبد الستار :- آمين

صادق العبيدي :- هاي ما طلعت فرقة طلعت مجموعة مسلحة!!!

احمد عبد الستار :-هههههههههه

احمد عبد الستار :-والله افتخر بيهم ورفعة راس الله يرحمهم

صادق العبيدي:- ويرحم شهداء المسلمين.

صادق العبيدي:-إذا لم تكن منشد فماذا ستكون؟

احمد عبد الستار :-طبعا أنا مدرس وأحب التدريس وأزيدك اني ميكانيكي(فيتر )مضبوط على يمناك بس أحب التجارة وأحب إن أكون تاجرا صالحا
صادق العبيدي :- الوالد كان شاعرا ماذا أضاف لك؟

احمد عبد الستار :- نعم كان شاعرا وانه من علماء اللغة ولكن لا يكتب إلا بالإلحاح الشديد كان يقول لي (دير بالك على دراستك وطريق العلم أفضل من الإنشاد) لكنه كتب لي ولحنت البوم كامل للبشائر من كلمات الوالد والحاني وإنشاد البشائر ولم أأخذ ولا قصيدة منهن إلا في البوم الأفراح كتب لي قصيدة ولحنتها وسجلتها بصوتي المزعج
صادق العبيدي :-مزعج بس رائع ههههه

احمد عبد الستار :-الألبوم هو البوم المدائح والروحانيات والابتهالات

صادق العبيدي :-ما شاء الله

صادق العبيدي :- متى بدأت مع فرقة البشائر وكيف؟

احمد عبد الستار :-منذ التأسيس في عام 1996وكانت تعتمد على المنشدين عبد الملك أبو الدرداء واحمد أبو أسيد ،راحت ناس واجتي ناس ولازلت اني بيها

صادق العبيدي :- احمد عبد الستار يعتبر من المؤسسين ولكن لحد الآن لم يظهر له البوم ؟

احمد عبد الستار :-لأنه أحنا بوقتها ما كان قصدنا إلا نشر البديل هذا الهدف الأسمى وما أعطينا لنفسنا أهمية إلا نشر الرسالة وطورنا الفرقة بجهود المدير الدكتور حذيفة وزيد وعبد الملك وضمينا أكثر عدد من المنشدين إلى الآن معروفين ع الساحة الإنشادية و الآن بعد هذا العمر شفت انه لازم أتواصل مع الناس فسجلت البوم و الآن بالسوق عن قريب وان تأخر.

صادق العبيدي:- البوم راجعيلك مو؟

احمد عبد الستار :- إي نعم راجعيلك يا نشيدنا بحضنك نلملم لحنا ههههه
صادق العبيدي :- هههههههههه

احمد عبد الستار :-وعندي البوم مع منشدين سعوديين ويمنيين

صادق العبيدي :- ممكن تفاصيل عن هذا الألبوم؟

احمد عبد الستار :-خلي مفاجأة بس بعض المنشدين اجو لعمان ومعروفين على قناة فور شباب وعرضوا علي أشارك معاهم في البوم والتوزيع يكون في مصر وافقت وقدمت نشيدين من كلمات شاعر سوداني ومن الحاني.

احمد عبد الستار :-خوش خلطة عربية مو؟

صادق العبيدي :- خلطة طبيعية من الشجرة للخلاط..هههههه

صادق العبيدي :- احمد والقران الكريم؟؟

احمد عبد الستار :- والله نحن مقصرون مع القران بس الحمد لله يعني أنا خريج تربية علوم قران وماجستير علوم قران والحمد لله بس ما أتممت حفظي توقفت وأنا بالإعدادية

احمد عبد الستار :- ولكن كل رمضان الناس تنتظرني في جامع المدلل بصلاة التراويح إلا رمضان القادم سأكون هنا في الأردن

صادق العبيدي :-هل لديك إجازة في القران الكريم؟

احمد عبد الستار :-نعم عندي إجازة في رواية حفص والحمد لله

صادق العبيدي :-ما شاء الله

صادق العبيدي :- هل كنت تتوقع وصولك لهذه الشهرة العالمية؟

احمد عبد الستار :- والله أخي أنا لا ابحث عن الشهرة وما وصلت إليه الآن بفضل الله وأتوقع برحمة الله القادم أكثر واسأل الله القبول

احمد عبد الستار :-منو كلك الله لا يثردلك وياي

صادق العبيدي :- ليش لازم تاكل هواية ههههههه؟؟

احمد عبد الستار :-والله اني ما ابخل على احد بأي نصيحة و أي واحد يدعيني ما أتردد ولا اسأل لا مادة ولا شي والمنشدين الجدد ما افرق ولا أشوف حالي إلا اقل منهم وهذا فضل الله
احمد عبد الستار :-بس لا تصدق لأنه من تشوفني راح تكرهني ههههههههه
صادق العبيدي:-لالا بالعكس

احمد عبد الستار :-أستاذي المجاملة مع الناس والإصغاء للآخرين أهم شيء

صادق العبيدي:-احمد عبد الستار سفير اللهجة العراقية ماذا تقول؟؟

احمد عبد الستار :-والله هاي أصلي بس آني اعرف شتريد لأنه في بعض اللقاءات الحوا علي انه إذا حجيت عراقي ما راح نفهم شوية كحلتها بالشامي واني اعتز بلهجتي طبعا واحنا إلنا الشرف نحجي بهاي اللهجة مو هي تتشرف بينا

صادق العبيدي:-والنعم والله

احمد عبد الستار :-وحتى النشيد اللي عن القدس والي شاركت بي مع المنشدين العرب هو بلهجة عراقية وجوبي عراقي

صادق العبيدي:-هلا والله

احمد عبد الستار :-إي شعبالك على مودك أنت وبس

صادق العبيدي:-هههههههههههههههه

صادق العبيدي:-شنو النشيد ممكن نعرف؟؟

احمد عبد الستار :-حاير متغير حالي....... بعدك يا اقصى الغالي.........لارجع واشم ترابك....واصدحلك بموالي

صادق العبيدي:-هذا النشيد عندي ممكن انشره كهدية من احمد باللقاء؟

احمد عبد الستار :-عادي انته تأمر

صادق العبيدي:-تسلم ما يأمر عليك ظالم

احمد عبد الستار :-لا أزيدك عبد الفتاح عوينات والدردساوي ويحيى وفرقة مودة كلهم يحجون وياي عراقي علمتهم

صادق العبيدي :- احمد منشد متميز ..لماذا لم يصور كليب إلى الآن

احمد عبد الستار :-أنا من زمان كان عندي رفض تام للتصوير كنت اشتغل داخل العراق ومعروف جدا والحقيقة لم ابحث عن اسم مثل باقي المنشدين ولازلت أعيش مع النشيد كهواية مع انه الناس تسميني المنشد لكن الحقيقة غير ذلك بعد ظهور الكليبات الإسلامية وانتشارها وبعد خروجي إلى الساحة الإنشادية وجدت إنني غير معروف ولا استطيع أن أكمل رسالتي ولا حتى أوصل النشيد والكلمة إلى الناس في عالم الفضائيات فقررت أن أصور ووجدت كثير من الذين استفادوا مني قد وصلوا وأنا في مكاني لذلك بدأت من جديد.

صادق العبيدي :- ما هو كليبك المرتقب؟

احمد عبد الستار :-طبعا الأفكار كثيرة ولكن العين بصيرة واليد قصيرة بس إن شاء الله كليب الأقصى بلهجة عراقية، وصعب جدا تحصيل الرعاية.

صادق العبيدي:-تقصد أنشودة حاير؟

احمد عبد الستار :-نعم

احمد عبد الستار :-بلكي النشيد اللي بعده احصل الرعاية من حضرتك ههههههه

صادق العبيدي:-تدلل نصوره بالهضبة الغربية

صادق العبيدي:-وبموبايل دمعة

احمد عبد الستار :-والله والنعم منك والمونتاج يكون بسوك الخضره الله شكد حلو

صادق العبيدي :-ههههههههههه ماشي تدلل

صادق العبيدي:-قنوات فضائية إنشادية كثيرة على الساحة وتستقطب أشباه المنشدين لماذا لحد لان أبو أسيد لم يظهر عليها

احمد عبد الستار :-مثل منو؟

صادق العبيدي:-فور شباب طيور الجنة يعني الأصوات التي فيها اقل بكثير منك؟

احمد عبد الستار :-والله حبيبي تعرف المشكلة انه كثير من المنشدين لازم تعرف الحقيقة أنت والجمهور من النوع اللي يلحون بطلب التصوير والله اني اللي مواعدني بتصوير وبس شويه اذكره أو بعض اللي مسيطرين على شركات الإنتاج بس شوية إلحاح مني بس اني ما أروح ولا أكول لأنه عيب أشوفها بحقي انه أقف على الأبواب والي يريد يصل لازم يتنازل عن بعض الأمور وإنا بفضل الله مو من هذا النوع

صادق العبيدي:-والله والنعم

احمد عبد الستار :-انعم الله عليك

صادق العبيدي:-لو عرض عليك دويتو مع احد المنشدين التالين من تختار

صادق العبيدي:-مروان صباح

صادق العبيدي:-خلدون هلال

صادق العبيدي:-مصطفى العزاوي

احمد عبد الستار :-ولا واحد منهم

صادق العبيدي:-ليش

احمد عبد الستار :-أنا ارفض فكرة الدويتو أنا مع الاوبريت الجماعي ولو لني وافقت على دويتو لنشيدين مع منشد عربي مشهور جدا لأنه النشيد الذي أتى به الأول يحكي عن مجد العراق والثاني عن الصديق

صادق العبيدي:-ممكن تقولنا منو المنشد؟

احمد عبد الستار :-لا إن شاء الله بعد رمضان راح نسجل وان شاء الله ابعثلك الأناشيد

صادق العبيدي:-إن شاء الله

صادق العبيدي:-لقب أطلق عليك

احمد عبد الستار :-ماشي أنا ضد الألقاب هذه الألقاب أطلقها المنشدون على أنفسهم ضربا من تحصيل الشهرة أخي خل نكون صريحين مع أنفسنا هذه الألقاب ما انزل الله بها من سلطان هل نحن قد عملنا ما عمل خالد ابن الوليد وأطلق عليه سيف الله أو نحن قد حفظنا سرا لرسول الله فأطلق علينا صاحب سر رسول الله كل الألقاب ما هي إلا شهرة وغرض إعلامي

احمد عبد الستار :-كانوا يسموني قبل بالعراق المتواضع بس إذا كعدت وياي اكلك واشربك وهنا احلى شي بعض منشدي الاردن يسموني حوت المسرح كلتلهم ياساتر هلكد اخوف اني والله اخي ما الها اصل وكل اللي تسمعه للشهرة فقط أعاذنا الله وإياك

صادق العبيدي:-ما الفرق بين أبو أسيد وأبو رقية؟

احمد عبد الستار :-هااااااا أول ما اجينا لمساجد الفلوجة بداية التسعينات كل شاب كان يكنى من السنة طبعا فأسموني أبو أسيد بعد ما تزوجت اجتني رقيه ورفل وما عندي غيرهم

صادق العبيدي:-أحب نشيد لقلبك؟

احمد عبد الستار :-أنا الفقير إليك يا رب للترمذي

صادق العبيدي:-ومن اناشيدك؟

احمد عبد الستار :-ولا واحد منهم!!!!!!!!!!!!!!!!!! لا تصدك

صادق العبيدي:-ههههههههههههههههههههه

احمد عبد الستار :-راجعيلك ياوطنا

صادق العبيدي:-هل ممكن تسمعنا مقطع منها؟

احمد عبد الستار :-ممكن اكو فد تنكه اصيح بيها

صادق العبيدي:-هههههههههههه

احمد عبد الستار :-أنت نزل النشيد من يمك

صادق العبيدي:-ماشي

احمد عبد الستار :-اني أكول أنت على السوالف الحلوة متونس وما راح يخلص اللقاء

صادق العبيدي:-شني سالفة العبارة اللي كاتبها على مرايتك تقول""اگرع واخبل شلون لو عندي شعر""

احمد عبد الستار :-والله لا كاتب ولا شي بس اني هلست الشعر من فات المحتل لبلدي

صادق العبيدي:-ماتقول في الأسماء التالية؟
صادق العبيدي:-محمد العزاوي ومصطفى العزاوي

احمد عبد الستار : محمد منشد راقي والثاني منشد عراقي والله يوفقهم

صادق العبيدي:-خلدون هلال

احمد عبد الستار :-منشد تأخر بالظهور والتسجيل

صادق العبيدي:-صادق العبيدي

احمد عبد الستار :-الله يستر من أفعاله

صادق العبيدي:-الدردساوي

احمد عبد الستار :-أخ هذا حبيبي البارحة ما سافر لأمريكا إلا اجه سلم علي وراح عنده إمامة مسجد بالتراويح هناك ودعته وگمت الطم وظلينه نبجي إلا بزعنه من الضحك

صادق العبيدي:-ههههههههههه

صادق العبيدي:-يقال انك فاتح مطعم عراقي بشقتك للمنشدين؟

احمد عبد الستار :-والله بيني وبينك نضحك علي هسه اليجي اكسر رجله ومن ضيافتي اله وفرحتي بي اضربه طلقة

صادق العبيدي:-عز خوش ضيافة الظاهر حمضوها

احمد عبد الستار :-لا ابن عمك اني

صادق العبيدي:-والنعم منك

احمد عبد الستار :-طبعا والله مشتهين أكل عراقي أبو رقية ورايحين وراجعين والله أم رقية خوش تسوي برياني

احمد عبد الستار :-كلتلهم اتركوا السوالف المو حلوة لأنه أخوكم راح يكف بالجمعة على باب الجامع

صادق العبيدي:-ههههههههههههههههههههههه إي وحطلك سجادة والدخل بالنص..

احمد عبد الستار :-لا البارحة الدردساوي كالي اني وديت أم انس لأهله بالعقبة علمود سفرته واني بمنطقتك وأريد اسلم عليك اني يم الحلاق كتله ابشر اني جايك اسلم عليك ونزلت واخذتله من المطعم وجبه ورحت اصرفلي وكتله ارشد لأهلك الله يسرلك عندي امتحان هو خرب من الضحك

صادق العبيدي:-هههههههههههههههههههههههههههههه صدك أنت رهيب

صادق العبيدي:- موقف طريف؟؟

احمد عبد الستار :- مواقف شحجيلك شكلك

احمد عبد الستار :- مرة بحفلة بغداد لزك لساني بالمايك انتلت هههههههه

صادق العبيدي:-هههههههههههههه

احمد عبد الستار :-مره وگع المسرح بينا هههههههه

صادق العبيدي:-هههههههههه

صادق العبيدي:-موقف محزن

احمد عبد الستار :-مرة بأحداث الفلوجة واحد إلا تجي تزفني زفيته وإلا واحد طك طرقة قوية أحنا عبالنه انفجار سلملي إذا واحد ظل بالحفل أول واحد اني تلكاني بفي بيت جيران صديقي هههههههههههه

صادق العبيدي:-ههههههههههههههههههه قوية هاي

صادق العبيدي:-موقف محزن

احمد عبد الستار :-موقف محزن اني بحفل اخوي الدكتور عبد الستار عايش بعرسه أستاذ الآن بجامعة الأنبار تقدم اخو يرحب بالناس ومن فرحته فرج الله يرحمه كان ما عنده أولاد وقال إن شاء الله أشوف أولاد أولاد اخوي عبد الستار بس خلص اللقاء وقع على الأرض ومات لمن نقلو للمستشفى تبين من فرحته باخوه صابته الله اعلم سكتة قلبية
احمد عبد الستار :-الله يرحمه

صادق العبيدي:-سبحان الله

احمد عبد الستار :-كان موقف حزين

احمد عبد الستار :-وموقف بالصقلاوية آخر محزن، وهو واحد صديق عند بنت وحيدة وخايف عليها هو بنالها بيت يمه وزوجها من ابن اخو وفرحان بيها والعرس دعاني انشد أحنا كاعدين ننتظر الزفة اجتي وكان ممنوع ضرب طلقات بس هو من فرحته الأب ضرب طلقات من اجتي الزفة نزلوا العروس شيل لأنه كالو تستحي تنزل لما فحصوها النسوان لكو مضروبة طلقه بكلبها فايته من صندوق السيارة وعابره الكشن ومستقره بقلبها وماتت وصار العرس عزاء الله يرحمها

صادق العبيدي :- يالله صدك موقف محزن..

صادق العبيدي :- بشنو نختم؟

احمد عبد الستار :-يالله نختم بقراءة سورة البقرة

احمد عبد الستار :-بأي شي حبيبي قابل شجنه نسوي هي دك سوالف

صادق العبيدي:-أشكرك أخي الحبيب على تخصيص الوقت الطويل جدا لهذا اللقاء الرائع

احمد عبد الستار :-إن شاء الله كنت خفيف الظل عليكم وعلى جمهوركم الطيب وبالتوفيق لكل العاملين ولك أنت أخي صادق كل الحب والوفاء

في الختام نشكر الرائع والمروع حوت المسرح ههههههه
احمد عبد الستار على هذا اللقاء الرائع
وهذه الاناشيد اهداء منه لنا
انشودة
حاير
وانشودة
راجعينلك

وما يميز هذا المنشد انه متواااضع كثيير و محبووووب
اهلا فيييك يا عموو منور

الله يووووفقك يا منشدنا الغالي وتكمممل معنا مسيييرتك الانشادية

والمقابلة يا مغربييية بنجننننن

رحبووا بالعضو الجديد * احمد عبد الستار * + مقابلة + 137_qalbfuj3

منوووووووووور عمو..

شششششكرا ع الردود